ymca2044

بدایـة رحلتك فی عالم السینما Leave a comment

“تعلم من الأمس ، عش اليوم ، أمل الغد. الشيء المهم هو عدم التوقف عن الاستجواب.” – البرت اينشتاين

طبعا فی اکتر من طریقة لبدایة رحلتك، بس انا هاتکلم عن الناس المستقلة، الواحد اللی جاب کامیرا، و بدا یصور، فیدیو او فوتو ایان کان، لکن هو مش تبع نقابة او معهد سینما او کده و ده رأیي الشخصي مش اکتر

طیب انا بخبرتی هدیکو شویة مهرات یستحب تکتسبها بدری عشان تکبر اسرع

١- اهم حاجة اللی لازم ابدء بیها هی انك تکون بتهدف لقدام، یعنی إیه؟ هدفك مش إنك تبقى بتنزل تنحت کل یوم فی مکان و تعمل دخل من النحت، هدفك إنك تکبر و تعمل دخل کبیر من مشاریع کتیر و من غير ما تشتغل ٢٤ ساعة

٢- انسى کل القلتة فوق، هدفك قدام تکبر اه، بس سر النجاح هو النحت، مشاریع کتیر فی مختلف المجالات فی البدایة اهم حاجة، لیه؟ لان الظهور الکتیر بیحطك فی المکان اللی الحظ هیجيلك فیه. هتتعرف على ناس، على اماکن، على افکار، هتاخد خبرات کتیر، منهم وحش و منهم حلو، هیتدحك علیك، هتعدی بکل حاجة، و تعدی بیها دلوقتی احسن ما تعدی قدام

٣- تالت اهم حاجة و دی کتیر اوی من الناس اللی اعرفهم مش موجودة عندهم، خلیك إنسان بشوش، فرحان کدة و مبتسم یعنی ناقص الواحد یجیبك اللوکاشن عشان روحك حتى لو مالکش دور. کل ما الناس هتحبك، هیسعدوك و یعرفوك بناس و هیصقوا فیك. و دی اهم حاجة. فکر کویس لقدام و إن العداوة مش حلوة. انا دیما بسمع من کلاینتس انهم ممکن یشتغلو مع شخص مش ماهر اوی لکن بیحبو المعملة معاه، و مایشتغلوش مع شخص ماهر لکن المعملة معاه صعبة، افتکر إنك دیما بتبیع التجربة مش المتنج

٤- نخش فی المهرات فی الشغل نفسه. لازم قبل ما تبدا، تبقى عارف انت عایز تبقى مخرج ولا منتج ولا مدیر تصویر ولا مونتیر ولا إیه بظبت. اغلب الوقت فی البدایة انت بتعمل کل حاجة، بتفکر فی الفکرة و تصرف علیها و تصورها و تلونها و ناقص تتفرج علیها کمان لوحدك. بس لازم و إنت فی کل ده، تبقى عارف إنك لو مخرج، فا انت مش هتصور للابد، لو مدیر تصویر، فا إنت مش هاتخرج قدام، و للاسف، مفیش فکرة ال”وان مان تیم” فی عالم المیدیا، هتوصل لمکان و مش هتکبر، و ده یرجعنا لاول نقطة، هدفك إنك تکبر مش إنك تمسك الکامیرا و تنزل تنحت کل یوم

٥- انت فنان اه، بس قبل الفن انت مدیر اعمال نفسك، انت صاحب شرکتك و البراند بتاعك اللی هو انت. لازم تفکر بالتجارة، کل حاجة موزونة بین اللی هتکسبه و هتخسره، یبقى عندك خطة عمل سنة قدام. الدخل اللی داخل من النحت ده مش للخروج، لازم تعمل میزانیة للشغل و تعمل منها نسبة لیك، و کل ما نسبتك النهارده اقل، هتکون بکرة اکتر و بکرة هایجی اسرع.فا لازم تتعامل مع نفسك على انك بزنيس مکون من فرض واحد

٦- دیما طور من نفسك، خصص وقت من يومك للتعلیم، جرب مع نفسك حجات جدیدة، انزل شوتس و لوکاشنز کبیرة إتفرج و ذاکر، کلم ناس اقدم منك حاول تستفید منهم، حاول على قد ما تقدر تکتسب خبرات و تحتك بناس عشان کل ما هاتکبر الموضوع هیکون اصعب

دول اهم مهرات انا شایف ان الواحد لازم یتعلمها، مش هنتکلم عن البادیهیات ان لازم تذاکر تصویر و الکلام ده ماهو اکید لازم، انا بتکلم عن المهرات اللی لو اکتسبتها هتکون مختلف عن غیرك

Leave a Reply

Your email address will not be published. Required fields are marked *

SHOPPING CART

close